MUZIEKGROEP SPIKKEL
 
Ik hebbe sinds joaren al veur niks meer interesse, ik kieke al ga neet meer noar mooie beene um.
't Kump zo wiet dat ik 't ademen nog vergette, op weg noar 't wark val ik met fiets en al hoast um.
Mien grootsten hobby is 't kieken noar ne slakke, met trimmen loop ik doar soms uren achteran.
A'k dan bekaf bun zet dat ding mien nog ne hakke, ik plof dan neer dee slakke geet gewoon vedan.

Ik hebbe 't temp'rament van twintig sloaptabletten, op elke party denk ik alleen nog moar an bedden.
Ik bun zo meu, van al dee vrouwleu, in bedde doot ze mien de lampe nog uns uut.

'k Bun neet veuruut te branden as ik op mien wark bun, ik valle van meuigheid in sloap wat bun'k ne kloojo.
Noa elke koffiepauze gun ik mien un sleüpken, en op mien warkplek spöl ik altied met mien jojo.
Zo tegen middag loop ik deur de lunchkantine, doar krie'j allene moar nen vetten frikandel.
Dan spöl ik wezenloos met mienen appelsiene, en kieke met duffe ogen noar zo'n lellebel.

Ik hebbe 't temp'rament van twintig sloaptabletten, op elke party denk ik alleen nog moar an bedden.
Ik bun zo meu, van al dee vrouwleu, in bedde doot ze mien de lampe nog uns uut.

Veur ieder stoplicht sloap ik in as 't op rood steet, de file achter mien den drukt mien dan wal an.
Un kruuspunt wieter hop ik moar dat 'e op greun geet, en heb ik pech, d'r achterop, 't is moar 'japan'.
Toen kot geleden reed ik achteruut noar Etten, mien kameroad hef toen de hele weg 'ebruld.
Hoe vaak heb ik 'edreumd en alles kats vergetten, en miene boksentasse met benzine 'evuld.

Ik hebbe 't temp'rament van twintig sloaptabletten, op elke party denk ik alleen nog moar an bedden.
Ik bun zo meu, van al dee vrouwleu, in bedde doot ze mien de lampe nog uns uut.
IK BUN ZO MEU