MUZIEKGROEP SPIKKEL
 
 
Ik wet een aardig stuksken grond in een heuksken an de grenze,
Met weide en buske wiet in 't rond, zo mooi dat wet gin mense.
Wal uren lang ku'j wiet en ziet langs held're bèèkskes goan,
En soms zee 'j als in den olden tied, ne watermölle stoan.

Deur den Achterhook te goane, is mien 't allermeeste weerd,
Woar mien weegesken hef 'e stoane, is de mooiste plek op eerd.
Wat mien later ok mag wachten, wat den tied mag brengen ook,
Toch blieft altied mien gedachten, bi'j mien mooien Achterhook.

Ik zwarf doar langs den heiderand, umzeumd deur jonge barken,
En 's zommers zee 'j op 't roggeland de boer 'n dan iev'rig warken,
Rondumme zee 'j an alle kant de hofstee flink en klook,
Mi'j trök woar ik ok bun an'neland altied den Achterhook.

Deur den Achterhook te goane, is mien 't allermeeste weerd,
Woar mien weegesken hef 'e stoane, is de mooiste plek op eerd.
Wat mien later ok mag wachten, wat den tied mag brengen ook,
Toch blieft altied mien gedachten, bi'j mien mooien Achterhook.
Die mooie Achterhoek . . .